بارش، بادل، تو اور میں خوشبو، موسم، تو اور میں کالے بادل، رم جھم بارش نیلا آنچل، تو اور میں بہتی ندیا، گرتا پانی آنکھیں، آنسو، تو اور میں پاس کسی دریا کے کوئی بھیگا جھونپڑ، تو اور میں مینہ کی زد میں پورا جنگل سائیں سائیں، تو اور میں پاس کہیں کوئل کی کوکو گہرا جنگل، تو اور میں اونچے اونچے، گھنے گھنیر دُھلتے پتے، تو اور میں برکھا رم جھم، گیت سنائے جھومر ڈالیں تو اور میں زلفیں میری چھیڑ کے جائیں مست ہوائیں، تو اور میں اونچے پربت، نیلے ساگر پاگل بارش، تو اور میں مہندی ،خوشبو،کجلا،آنچل بند ہتھیلی،تو اور میں دور کہیں بارش میں بھیگی پیلی سرسوں، تو اور میں جب تو چھیڑے زلفیں میری چندن، خوشبو، تو اور میں جنگل میں کوئی چھوٹا سا گھر مٹی، چولہا، تو اور میں ہر راہ، ہر سو پھیلی خوشبو رات کی رانی، تو اور میں کندھا تیرا اور سر میرا پاگل سی چپ، تو اور میں #جند❤️