دبئی ایئر شو کے دوران بھارتی جنگی جہاز کا حادثہ، ونگ کمانڈر وکرم سنگھ ہلاک

دبئی(سی این آئی نیوز اردو)دبئی ایئر شو میں بھارتی فضائیہ کا جنگی جہاز مظاہرے کے دوران خوفناک حادثے کا شکار ہوگیا، جس کے نتیجے میں بھارتی ونگ کمانڈر وکرم سنگھ ہلاک ہوگئے۔ بھارتی فضائیہ نے حادثے اور پائلٹ کی ہلاکت کی باضابطہ تصدیق کر دی ہے۔

عینی شاہدین کے مطابق جنگی طیارہ اپنا فضائی کرتب پیش کر رہا تھا کہ اچانک تکنیکی خرابی کے باعث تیزی سے نیچے آتے ہوئے زمین سے ٹکرا گیا۔ حادثے کے فوراً بعد ریسکیو اور ایمرجنسی ٹیمیں موقع پر پہنچ گئیں، تاہم پائلٹ جانبر نہ ہو سکے۔

دبئی ایئر شو کی انتظامیہ نے حادثے کے بعد شو کے شیڈول میں عارضی تبدیلیاں کرتے ہوئے سکیورٹی پروٹوکول مزید سخت کر دیے ہیں۔ بھارت کی جانب سے حادثے کی وجوہات جاننے کے لیے اعلیٰ سطح کی تحقیقاتی ٹیم تشکیل دی جا رہی ہے۔

بھارتی فضائیہ نے ونگ کمانڈر وکرم سنگھ کی خدمات کو خراجِ عقیدت پیش کرتے ہوئے کہا کہ وہ ایک ماہر اور تجربہ کار پائلٹ تھے، اور ان کی موت فضائیہ کے لیے ایک بڑا نقصان ہے۔

حادثے کے بعد ایئر شو میں موجود بین الاقوامی وفود اور فضائی ماہرین نے واقعے پر افسوس کا اظہار کیا ہے جبکہ دنیا بھر میں اس خبر کو تشویش کے ساتھ دیکھا جا رہا ہے۔

#cniurdu #cninewsnetwork #Airshow2025 #Dabhi #indianairforce 👍